Home / Art / Àṣà Oòduà / A ti gba 800 bílíọ̀nù owóòlú tí wọ́n jí kó, àwọn 1,400 ti dèrò ẹ̀wọ̀n– Lai Mohammed
lai

A ti gba 800 bílíọ̀nù owóòlú tí wọ́n jí kó, àwọn 1,400 ti dèrò ẹ̀wọ̀n– Lai Mohammed

A ti gba 800 bílíọ̀nù owóòlú tí wọ́n jí kó, àwọn 1,400 ti dèrò ẹ̀wọ̀n– Lai Mohammed

Ẹdìyẹ ń làágùn, ìyẹ́ ni kò jẹ́ kó hàn.
Ìjọba àpapọ̀ ti sọ pé òun ti gba owó tó lé ní ẹgbẹ̀rin bílíọ̀nù náírà padà lọ́wọ́ àwọn tó jíi kó.

Mínísítà fún ètò ìròyìn àti àṣà, Lai Mohammed ló kéde bẹ́ẹ̀ níbi ìpàdé àwọn akọròyìn kan tó wáyé ní ìlú Àbújá.

Ó fi kún un pé egbèje èèyàn ló ti ń faṣọ péńpé roko ọba báyìí lẹ́yìn tí aje ìwà àjẹbánu ṣí mọ́ wọn lórí.

Ó ṣàlàyé pé “Gẹ́gẹ́ bí mo ṣe sọ tẹ́lẹ̀, Ìjọba tó wà lóde yìí ń dojú ìjà kọ ìwà jẹgúdújẹrá, a sì ní ẹ̀rí láti gbè é lẹ́sẹ̀.”

Mínísítà ọ̀hún tẹ̀ síwájú pé “Ìjọba yìí ní àkọsílẹ̀ àwọn egbèje èèyàn tó wà ní àhámọ̀, bẹ́ẹ̀ ni a sì ti gba owó tó lé ní ẹgbẹ̀rin bílíọ̀nù náírà padà, yàtọ̀ sí àwọn ohun ìní tí a gbẹ́sẹ̀lé”

Ó ní yàtọ̀ sí gbígba owó Ìjọba tí àwọn èèyàn ìlú kan lù ní póńpó padà, Ìjọba tó wà lóde yìí, lábẹ́ àkóso Ààrẹ Buhari tún ń ṣètò ìyípadà ọkàn fún àwọn ọmọ Nàìjíríà, kí ìwà àjẹbánu leè di ohun ìgbàgbé.

Lai parí ọ̀rọ̀ rẹ̀ pé kí àwọn tó ń bu ẹnu àtẹ́ lu akitiyan Ìjọba tó wà lóde yìí ronúpìwàdà, kí wọ́n sì dojúkọ àṣeyọrí tí Ìjọba ń ṣe láti paná ìwà jẹgúdújẹrá lórílẹ̀-èdè yìí.

Fẹ́mi Akínṣọlá

About ayangalu

Viral Video

Support Ooduarere

SUPPORT OODUARERE
Scan QR code below to Donate Bitcoin to Ooduarere
Bitcoin address:
1FN2hvx5tGG7PisyzzDoypdX37TeWa9uwb
x

Check Also

Lai Mohammed

Why Twitter suspension hasn’t been lifted yet — FG

The Minister of Information and Culture, Lai Mohammed, made the clarifications while responding to a question from a participant at Nigeria International Partnership Forum in Paris. Raising the hope of Nigeria that it is a matter of time before all issues with Twitter are resolved, the government clarified that the suspension of Twitter had nothing to do with issues bordering on President Muhammadu Buhari. Mohammed, who spoke fluent French said  “I want to categorically say that Twitter was not banned ...