Don't Miss
Home / Art / Àṣà Yorùbá / Ẹ̀FỌN

Ẹ̀FỌN

Ẹ̀FỌN
Oníyánmú ń pa yánmú, oníyànmù ń pa yànmù, Ẹ̀fọn ń se yún-ùn yún-ùn
L’étí ọmọ adáríhurun.
Ẹ̀fọn kìí sùn bẹ́ẹ̀ni kòní jẹ́ k’ẹ́ni orun ń kùn ó sùn.
Ẹ̀fọn ń gbọ́ pà
Ẹ̀fọn ń gbọ́ pò
Ìjùbàlà lọ́tùn-ún
Ìjùbàlà lósì
Ó sebí adáríhurun ń pàtẹ́wọ́ fún òun ni.
Ó rò pé ọmọ ádámọ̀ ń f’átẹ́gùn fún òun ni.
Ó dijọ́ tí a bá t’ìlẹ̀kùn gbọin-gbọin
Tí a fín tábà
Tí a fín tùràrí
T’ẹ́mọ́ ò leè jáde l’ópòó
T’ókèté ò leè jáde nísà
T’áfèrèmọ̀jò ò leè jáde l’ókìtì.
Ìgbà náà lẹ ó mọ̀ gbangba gbàngbà wí pé ọwọ́ t’ọ́mọ aráyé ń pa f’ẹ́fọn
T’ẹ̀rín kọ́
T’ẹ̀fẹ̀ kọ́
Wọ́n fẹ́ sekú pa ẹ̀fọn ni
Nítorí ẹ̀fọn ń t’ẹfọ̀n láyà.
Mo mèdè
Mole pèdè
Mo mẹ̀sọ̀ èdè
̣Ẹni ọmọ aráyé bá ń pàtẹ́wọ́ fún, kó máse jó yàgín ní
Torí báyé bá ń pani l’ẹ́rìn-ín
Wọn a tún máa pani lẹ́kún jọjọ,
Mo kí gbogbo ẹ̀yin ọ̀rẹ́ mi òkè òhún
Àti pèdèpèdè, àti pàsàpàsà, àti adákẹ́fọwọ́mẹ́kẹ́.

Send Money To Nigeria Free

About Awoyemi Bamimore

2 comments

  1. Olanabbey

    Igi wórókó tó ń da iná rú. 🤧

x

Check Also

Ojú agbe kí ríbi ní maró

Ojú àlùkò kí ríbi ní kosùnOjú Odídẹrẹ́ kí ríbi ní ìwó àtẹ Ifá má jẹ ká ríbi losanẸ̀là wòyè má jẹ ká ríbi lóru Mo sé ní ìwúre fún gbogbo wa lọ́sẹ̀ tuntun yí tosan tòru Ojú gbogbo wa kò ní ríbi oooI pray for everyone of us this week that we shall not see nor witness sorrow on our living and non living things by the Grace of Olódùmarè. Àsẹ Àsẹ Àsẹ Awóyẹmí Ọlọ́run wà 1